Vus pudais chattar ün dachasa nouv in nossa chasa da chüra, scha Vus nun As sentis plü in sgürezza in Voss contuorns üsitats, obain schi'd es gnü massa pretensius per Voss paraints o pel Spitex d'As chürar. Nus As lain güdar in quellas domenas ingio cha Vus vais dabsögn. Per nus esa a listess temp üna sfida ed ün dalet da mantegner e da nüzziar Voss talents. Scha Vus giavüschais quai, pudais far part da nossas nombrusas activitats; lapro inscuntrais il plü suvent a persunas cuntschaintas dalönch innan.
I nun es adüna leiv d'entrar in üna chasa da chüra. I fa mal da bandunar ils contuorns adüsats. Perquai As cusgliaina da passar pro nus il prüm sco giast dal di o in vacanzas.

Nus As garantin chüra ed assistenza ourdvart cumpetenta. Nos persunal posseda la qualificaziun adequata; nus ans engaschain per til scolar e perfecziunar.

Nus fain tuot il pussibel per cha'l CSVM saja per Vus ün lö da sgürezza e cuntantezza.

Reglamaint da taxas 2023

Contact:
Damaris Kosel
manadra da la chasa da chüra
Telefon: 081 851 61 85

SQS Zertifiziert

SQS ISO 9001/2008Wir haben unser ganzes 
Gesundheitszentrum nach
den strengen Richtlinien
der ISO-Norm 9001:2015 
zertifizieren lassen.